Amigos da Terra
Traballamos a horta…
A Rede de Eco Hortas Escolares é un espazo de encontro e de traballo en rede para aqueles centros educativos galegos que apostan polas hortas escolares como lugar de traballo, investigación e participación. Centros que conciben a horta escolar como recurso educativo de gran valor que permite achegarse á agricultura ecolóxica e a outros ámbitos de coñecemento como a nutrición e a saúde, o coidado do medio ou as habilidades persoais e sociais.
Ler máis
A Rede de Eco Hortas Escolares
Que e por que?
Ante a falta de conexión coa terra das xeracións máis novas e a crecente necesidade de percibir o planeta dun xeito global, faise cada vez máis necesario achegar propostas prácticas aos centros educativos.
A Rede de Hortas Ecolóxicas Escolares é unha rede de traballo que posibilita o traballo conxunto e o intercambio de experiencias utilizando a horta escolar ecolóxica como contexto de aprendizaxe, como laboratorio vivo no centro educativo e como un elemento globalizador das diferentes áreas do coñecemento. Achéganos ao cultivo de alimentos cun enfoque de sostibilidade global, integrando outras temáticas ambientais, e permitíndonos tamén traballar outros ámbitos e habilidades.
Está integrada por centros educativos galegos que queren traballar arredor da horta escolar ecolóxica. Actualmente forman parte dela 8 centros educativos de Infantil e Primaria da provincia de Pontevedra.
Obxectivos
Esta comunidade de coordinación intercentros posibilitará aos centros escolares integrados o traballo conxunto e o intercambio de experiencias, utilizando a horta como contexto de aprendizaxe para traballar diferentes áreas do coñecemento:
- A agricultura ecolóxica, local e de tempada, e o coñecemento do medio natural
- A sostibilidade global
- A nutrición e a saúde
- As habilidades persoais e interpersoais
A Rede ten dous obxectivos principais:
- Xerar espazos de acción-reflexión, empregando a horta escolar ecolóxica como ferramenta educativa para traballar o desenvolvemento sustentable.
- Promover alternativas locais de produción e consumo local e sustentable, por medio do contacto coa terra e a contorna natural de toda a Comunidade Educativa (familias, profesorado e alumnado).
Co financiamento de:
Promove:
Este sitio esta feito con WordPress e Greenhouse by Fly Themes. WordPress é Software Libre baixo licenza GNU/GPLv2
Desenvolto por
